لحظات فراق (331)
..................
مكتوب عليا أتوجع
في أعز ناسي ..
والقلب جوايا إتكسر
والدمع قاسي ..
صعبان عليا فرقته لا
هشوفه تاني
والفرحة جت عندي إتنست والحزن كاسي
ما راح ربيعي ودنيتي
عمري اللي باقي ..
كان ضل روحي وتوأمي
ياما حس بيا
ليه حرمني
ضيه وضحكته
مين باقي ليا ..
لا دموع عينيه خففت
في جراح فراقه ..
والذكرى سجناني
فى وجع بعده وغيابه
لا عمري حسيت بالألم
ولا دوقت مره ..
جوايا فيه أيه ما إتشرخ ولمين هقوله ..
لحظات فراق
مرت سنين
وبداري خوفي
والصمت عيشني الألم
ونسيت حروفي
يا مين يحس بشكويتي
ويواسي نوحي
مجروح وجرحه هزني
كان هو روحي
عايش على ذكرى إبتدت
ومنايا أشوفه ..
هرسم عشانه ضحكتي
لو غصب عني ..
وهداري قسوه شكويتي
وهعيش في ضلي
ويا ريته كان
حلم وصحيت
ولا فاتني خلي
بقلم .. صبري رسلان
ليست هناك تعليقات:
إرسال تعليق