( خطاب مجرم )
إنتوا ماسكين ف الأكل وسايبين القتل؟
دا أنا قتلت ياولاد
قتلت الشعب والعباد
زعلانين عشان الرغيف زاد؟
دا أنا قتلت ياولاد
آه ياشعب ناقص تربية وإيمان
مش باصص بس غير ع البتنجان
إنت مش شايف الدم على الحيطان؟
مش شايف إيدي اللي: ع الزناد؟
دا أنا قتلت ياولاد
ممنوع الكلام
خليت الإعتراض حرام
من النهاردة مفيش أمان
نام جعان / عيش جبان
تاكل من يد اللي: خان
بياض الأرض.
ده لو كان فيه أرض مفهاش سواااد
دا أنا قتلت ياولاد
حربي علي
شاعرالسويس
ليست هناك تعليقات:
إرسال تعليق