بتــــلف القـــلوب وتدور
وشايله ســـر جواهــــا
وبتعاند مـــع الايــــــام
تبين بسمـــه راسـماها
ومــن هم وتقـل السـر
تمـلي ماتبقي حاساهـا
وناس جواها ليهم ركــن
ودايمـــا فاكره ذكراهــا
وناس مهما تغيب عنـــا
نلاقي قلوبنا فاكــــراها .
وناس لو يوم سيرتهم جت
قلوبنا هتبقى ناكراهــــا.
وناس تدخل قلوبنا جديد
وناس تذهب لمثواهـــا .
وناس تحتل قلب القــلب
ويحلي العمـــر ويـــاها
وناس جرحت قلوبنا زمان
ومع ذلك مسامـــحاهــا
وناس دايما تقول عِشــره
وناس بالسهل بايعاهــــا
وناس بالعقل تكسب ناس
وناس غباوتها سابقاهـــا .
وبرضه حياتنا فيها حاجات
تعيش عمرك ماتنساها .
وهي حياتنا ايه غير ناس اوام تمشي
وغيرها قلوبنا ماسكاها .
وهتلف القـــــلوب وتدور
لحد ماتلقي مـــرساها
د.نجوي محمد
سفيرة السلام الدولي
ليست هناك تعليقات:
إرسال تعليق