عيش نملة ( 315 )
...............
وهتني بدور فيكي
يا دنيا
ما أنتش شيفاني
وسنين وأهي عدت من عمري واقف في مكاني
نمله في قدها منفوخ
صدرها في الشق إداري
لا أتغير حالي إعملي معروف وريني أمانك
هفضل على كده مربوط
أيدي ما تفكي لجامك
كل أما أتلفت حواليا
بتدوسني قدامك ..
ده ما فيش إلا أنا
حرماه من الهنا غرقان
في همومك ..
سيقاه بالعصى كان منه
إتنسى دفناه بذنوبك
هيعيش على كده عمره
بحاله ليسد ديونك
متغرب كاتم أحزاني
عن أهلي وناسي
ويا ريت تسبيني أحلم
لو حلم وأغمض ناسي
مكسور منحوس حظه كساله توب كله مقاسي
طب ما تبحبحي طوقك
حبه مات ليه إحساسك
طب نمله ما فيش حته
سكر وتحلي في كاسك
ويعيش له يومين ينسى
مرارك ويكون من ناسك
هيفوق وهيرجع يتعرف
فين ساسه وراسه
ما أهو أصله غشيم لامؤاخذه إنداس
ضيعه إحساسه
كرتونه ضغط معاك سكر
والذبحه وجاتك ..
واسطه ومصلحه رشوه
وبحتره وأدراج فتحالك
كده ناقصك أيه صعب
هتمشي كلاكيع
في حياتك ..
أرمي ورا ضهرك عيش
نمله حاذي صف إخواتك
إلحق لنعزي في جنابك
مش فارقه مماتك
بقلم .. صبري رسلان
ليست هناك تعليقات:
إرسال تعليق