قصيده بعنوان
(كان بودى؟!!)
أشتكي لك
عن حاجات
حاسسها في
كنت جايلك
وكان أملي
تسمعينى
وأنا بأفضفض
لك عن
جروح وآهات
فى قلبى
قولتى لي مالك
فيك إيه وعملتها
لي قضيه
كنت جاي
وفرحه معبياني
وكلام نفسى
أقوله بينى
وبينك وإنتى
عادتك هاتشتريها
ديما ملتهيه
كان بودى
إشتكي لك
عن ظروفى
وفرط خوفى
إن أكون
إنسان ضعيف
مش كد
مسؤليه
إن أتعبكم معايا
وأحرمكم
من أشياء
نفسكم فيها
أو من أي
رفاهيه
كنت حابب
أقعد معاك
زي أي قاعده
طبيعى أخد
وأعطي تطيبي
خاطرى تاخدى
بإيدى
تشيلى عنى
حبه لو بضحكه
أو ببسمه
يا حبيبتى
حتى لو ما
فيك نيه
كنت جاي
وبمشاعرليك
فيها شوق
كتير تملا
الدنيا وإل فيها
جايى حافظ
غنوه أسمعها
ليك
بأرددها على
نفسى خوف
لأنسى
وكاتب قصيده
عنوانها إسمك
نجوى روحى
ويزيد شويه
كان بودى
وعشمى كبير
إن أكون لسه
بقلبك ولي
ذكرى تتذكريها
تقديريها
مش غبيه
إنت نبته
جزورها بقلبي
ممدوده أصولها
فى دمى
مرتويه
طارحه ورد
عطره نافذ
قويه
كان بودى
أشتكي لك
عن تعبى
وإشتياقى
ليكم بعد غربه
ماصه دمي
تريحينى بكلام
يريح مثلا
إصبر إنت
إل لينا
بعدك نضيع
وأنا أقولك
ربنا فوق
حافظكم
بعفوييه
كان بودى
9/5/2021
ترنيمات وخواطر.بقلم)
خيرى حسنى..............)
ليست هناك تعليقات:
إرسال تعليق