يا ‏دوب ‏هعيش ‏بقلم صبري ‏رسلان ‏

يا دوب هعيش (336)

...................

طولت ليه 

يا حلم عني 

أنا كلي شوق 

قربت أنسى  مين أنا 

داب فرحي دوب

هي إبتسامتي إتغيرت 

ولا نسيتها 

ودموع عينيه إتحجرت

قاسيه إن لقيتها ..

جوايا إحساس إختفى 

مش عارفه مالي ..

هيدق قلبي بفرحته

ولا  هعاني 

وهحب تاني يا دنيتي

ولا فى خيالي ..

مكتوب عليا أبتسم وسط الوشوش 

وأداري جرحي وشكويتي 

وأنا كلي خوف  

من أمسي خايفه ولا من 

بكره اللي غايب ..

ولإمتى هرسم ضحكتي

وهم لشفايف  ..

ويعدي بكره وبعد بكره

لا ليا شايف  .. 

ولا حس تنهيده  ألم 

مع عمر رايح ..

أهرب ليالي جوا حلم 

ما طلتهوش   ..

وأغزل في توب 

ألوان أمل 

ويا دوب رتوش ..

يمكن أتوه وسط اللي تاه 

تداريه الوشوش .. 

ما نسيت خلاص حلم إنتهى ولا شوفتهوش

بقلم .. صبري رسلان