دبله بلاش (335)
..............
شايفك جامد
ولا متأثر
غاوي تبص وراك
خيرها في غيرها
ومين هيلومها
بتنكر مش شيفاك
ليه ملهوفه تقول مخطوفه موافقه
بدبله معاك
بعد الوعد وإنك ليها
وهي كمان شرياك
أيه اللي إتغير
حاجه تحير
قفلت بابها وراك
حد شاغيلها
وزغلل عينها
قالت مش عايزاك
ولا عشان الجيب ما هو
فاضي وشبعت
حاف وياك ..
مر سنين الإسم خطوبه
بدبله بلاش جياك
شكلك ناوي تعيش
في حكاوي
وتتعب قلب معاك
ما أنت كمان طولت
وناسي صبرت كام وياك شوف من إمتى جنابك عاطل
طهقت مش عاوزاك
نايم قايم حلمك دايب
حسك مات جواك
برضه بنات الناس
مش لعبه
بختها مال وياك
شاكلك عادي ولا متأثر
إمتى تفوق جواك ..
بقلم .. صبري رسلان
ليست هناك تعليقات:
إرسال تعليق