كلمتنا فين ياعرب
وصوتنا ليه محبوس
إرادتنا ليه مسلوبه
مكبوته في النفوس
وإيدينا ليه مغلوله
رعاها منا السوس
كرامتنا ليه مهدور
خنازير عليها تدوس
وسيفنا ليه مغمود
في جرابه ليه مدسوس
من بعد ما سودنا العالم
وطفينا نار المجوس
ووصلنا جبال أورانس
وملكنا بلاد الروس
امجادنا طواها الزمن
وتاريخنا ما عاد محسوس
والحرب بينا إشتدت
عايشين عهد البسوس
الأمه هيبتها ضاعت
ضعفت فيها النفوس
بالسلم نمد إيدينا
يعلنوها حرب ضروس
ويفرقونا من بعضينا
خطه في كتاب مدروس
كلمتنا فين ياعرب
وصوتنا ليه محبوس
تسلموا...
إسماعيل هريدي 2016/12/23
ليست هناك تعليقات:
إرسال تعليق