دور في ذاتك
جلال محمد
...........
إدخل جواك. جوه نفسك
دورفي ذاتك
إبحث. ف ألبوم ذكرياتك
هات صورك القديمه
وشوف مين حبك بإخلاص
ومين سابك لوحدك في طريق مظلم
ومين أكل عيشك وملحك
ومين هانت عليه عشرتك
ومين خانك
دور كويس
شوف الأشكال في حياتك
وشوف مين إللي إستنزف قلبك
وميستهلش عطفك وحبك
ومين إللي بمزاجه تركك
وخرج من حياتك
شوف مين إللي هانك ف ذاتك
وقال عليك كلام
ووقف يتفرج عليك
ومسألش عن ملامك
ومين إللي آمنته علي سرك
وأكل لحمك
وبلسانه دبحك في غيابك
شوف الوشوش إللي
بتضحك في وشك
وبتلعنك وتذمك في غيابك
داالحياه بقت غابه
وأشكال وألوان
وعيون بتغدر
وقلوب سوده
وميهمهاش إنت مين
وإيه أصلك وذاتك
...............
2021/6/15
ليست هناك تعليقات:
إرسال تعليق