( عايز بنتى )
بقلم محمد عباس
الاسماعيليه مصر
عايز بنتى ضنايا وحيدة
مهما اتهدد شك وريبة
عايز بنتى اخدها فى حضني
عدى شهور والحالة مريبة
بعد صراع وقضايا غريبة
حقد وقهر وقسوة وغيبة
تكرار قصة شخوصها عجيبة
نطقت قالت الا العيبة
تاهت وسط مأسي كتيرة
بنتى حبيبتى واحلى مسيرة
ملكة قلبى وحبى لذاتى
صرت العاجز بعد حماتى
زى غريق والقشة سديدة
حد جريح باحث عن هيبة
حيطة اتنين صبحت تقفيصة
رب رحيم وصفاته عديدة
يوم ورا يوم احوالى صعيبة
تكرار قصة لنفس مريضة
حزن عذاب محتاج تحويطة
تحفظنى من ثورة نشيطة
رب الكون افرجها الان
انا بسجد لك كل اذان
سبحة فى ايدى والقران
لا انا درويش ولا انا جان
كل عيوبى ان انا انسان
بشكى بحقى لاجل اجيبه
من غير بطش والاعصيان
خايف بعد الصبر جنان
ولجات لكل حقوق انسان
كل جريمة وراها ادمان
عايزين ثورة على العدوان
اى حلول ترفع توهان
صوت حرية وضد لجام
حبل اتسلط ع الغلبان
يرفع صوته يااما جبان
مش متعود ع الحرمان
راضى وشاكر عفو المنان
وبدعى ربى فى كل اذان
ترجع بنتى بكل امان
والله نفسي اديها حنان
زوج الام اكيد انسان
لكن الشر بيغوى زمان
قيم اصول وحاجة ضمان
تحفظ بنتى من النسيان
الخوف ياس مع الافنان
كل حاجة هتدفع كام
رحمة ربى كل اوان
لما يبيعك شخص مدان
لحظة ضعف ويبقى مهان
خطة وحيلة ومكر الجان
شياطين انس حيطان وودان
دبة نملة بصيص انعام
سبحة فى ايدى والقران
والدعوة مع كل اذان
ضد كل انسان خان
باع ضميره لاجل المال
بسم الله المولى جابرنى
عبدك تائب اليك علمنى
ان الحق عالى وغالى
وان الظالم شر وفانى
مهما اترص طعام فى صوانى
وابتزيت من الخلق ده فانى
مين الصح ومين الجانى
مين بيحاسب حد انانى
مهما هتبنى مش هيدوم
ربك ناصر للمظلوم
حق وعند الناس معلوم
وميزان يوم الاخرة يصون
بقلم محمد عباس
الاسماعيليه مصر
قضية اجتماعية تبحث عن حلول واقعية
من ديوان صرخة شهيد
ليست هناك تعليقات:
إرسال تعليق