الإسم انه اخويا
أخويا بيقابلني ....
بيداري وشه مني
كإنه لا بيعرفني ..
ولا عاوز يشوفني
والإسم إنه أخويا
ومن أمي وابويا
ف عروقه الدم ميه
إللي تغرق ما تجمع
وف قلبه م الأسيه
إللي بتجرح وتوجع
ومهما إيه جرالي
مبيسألش عن حالي
والإسم انه اخويا
سلامه ليا أونطه
وكلامه كله كدب
وعايز يمسكلي غلطه
يلوم فيها ويعتب
وخداه دنيا المظاهر
وجواه غير اللي ظاهر
وشه مدهون ببويا
والإسم إنه أخويا
الشاعر الغنائي / عرفات فرح الله بلبل
ليست هناك تعليقات:
إرسال تعليق