..........الوطن للكل........
لما الهروب بخاطرك بيحل
وبيﻻزمك عنك ما رح بيحل
بيدخل ع الفكر السليم يخربطو
ومتل المرض للجسم بيعل
الهريبة للوضع ما بتظبطو
حيث القمر لو بيغيب بدو يهل
كتار يلي بالهريبة تورطوا
وفوق التشرد والهريبة الذل
اﻹنسان مهما الهموم تحاوطو
متل الجبل ﻻزم بأرضو يضل
يصبر ولوﻻ إيديه تربطوا
القلعة الحصينة بتحمي الكل
والوطن هيك بيحوي الكل
بقلمي
الشاعر عيسى وسوف باظة
ليست هناك تعليقات:
إرسال تعليق