منك لله
كان كل كلامك
ف بدايتك ويايا
بشوق وبحنية
حبك قلبى ووهبتك
حبي وروحي وعنيا
دلوقتي القسوة عنوانك
ونسيتني وتركت مكانك
وأشياء وحاجات غالية عليا
روح منك لله
هم العاشقين للهوى بايعين
ولا انت اللي مالكش هوية
بميت وش ولون زي المجنون
وعنيك عالرايحه وعالجاية
علمت القلب يخاف م الناس
موت ف قلبي أجمل إحساس
روح منك لله بين جرح وأه
عايشه ف أوقات صعبة عليا
بطبطب على قلبي وبدعيلك
من قلبي تعيش كل مابيا
وكان كل كلامك ف بدايتك
ويايا بشوق وبحنية
روح منك لله
سيدحجازي
ليست هناك تعليقات:
إرسال تعليق