خفافيش الظلام(353)
......................
ظلموني
في قلبي اللي إنجرح
بعد العشم وسنين فرح
قالوا العويل ما يتصلح
بان أصله بان
والشوك طرح ..
لا كلامه صادق
فى الجهاز
ولا نيه خالصه للجواز
خد غرضه مني
وفكره فاز داس عالشرف حطم قزاز
ناصب في وده المصطنع
وبأيدي خطيت للوجع
تهديد لأسكت وأرتجع
والمال ده كوم
ده طبيب وجع
لا كتب كتابي ولا ستر
وقفل بيبانه ولا خبر
أشكي لمين مر الجراح
وأدارى فين
ما الصبر راح
دمع الندم
تاه فيه وغريق
وعذاب لخوف
ضلمه طريق ..
هيلقى نور ترجع له روح
ولا في صمته
يعيش جروح ..
ما الطير وشارد
فين يروح كان نفسه يصرخ يعلا صوت
خفافيش ظلام
حكموا تموت
إزاى وجوا منه روح
ناصبين عزاه لا عيون تبوح والكل شاف وروايحه فوح ..
دفنت رؤسها في الرمال
وشهدوا زور
نصروا الضلال
مين يا ترا عليه تدور
ما الصمت خوف في
عيون قبور
بقلم .. صبري رسلان
ليست هناك تعليقات:
إرسال تعليق