واخدنا لفين
...........
بنسأل هوانا واخدنا لفين
للفرح ولا دموع وأنين
ولا جرح وطريق طويل
وخدانا خطاوينا فيها ماشيين
تعبت ومش قادر أفكر
مين عالفراق راح يقدر
ومين اللى جرح هيكون أكبر
واللى هيبكى أكتر مين
ياريت الفرح يكون نصيبنا
ولا سهم الهجر يوم يصيبنا
وشموع الفرح تنور طريقنا
والهوى بحنانه يضمنا ويقربنا
ولا يقسى علينا ويفرقنا
ودموعنا فعنينا تحرقنا
خايفين نتوه عن طريقنا
وتخدنا خطوتنا تودينا لفين
مش قادر أمنع دموعى
والأمال بتبعد وتروح
ريح الهجر طفت شموعى
وفاتت ليا الجروح
أخدت روحى وانا بودعك
ياحبيبى لو أقدر أمنعك
أو دموعى تقدر ترجعك
قلى أنا كلى بسمعك
واخدنا لفين
...
بقلم.الشاعر
الأمير _محمود
ليست هناك تعليقات:
إرسال تعليق