سلمى
الحلم الغالى الذى لم يتحقق
البنت ايه غير ضحكه جايه من بعيد
البنت ايه غير طله فى اليوم السعيد
البنت ايه غير كلمه حلوه فى الف عيد
البنت إيه غير ورده جايه بلون جديد
البنت ايه غير دعوه صافيه لكل خير لازم يزيد
البنت ايه غير فرحه جوه بيت سعيد
البنت ايه غير الحياء لا واحساسها البرئ
البنت ايه غير حلم اعيشه حلم هبقى له جرئ.
البنت ايه غير قلب صافى قلب ابيض من الحليب
البنت هدى وسلمى منه البنت يارا الغايبه عنا
البنت وعد وندا نور البنت نونا كمان بسينه
البنت أجمل اسم اقوله هى البراءه اللى مابينا
البنت سلمى ياحلم غالى سلمى الحقيقه اللى فى خيالى
سلمى ياجمل حلم عيشته وفى الحقيقه ياريتنى شوفته
سلمى الدلع سلمى الحنان سلمى تعدل الف حال
اللى بسببها اتسال لو كل يوم يجى ١٠٠سؤال
سلمى عشانها انا هفضل أسعى فى دنيا رغم كتير كلام
سلمى دى حور فى جنه جايه تقولى عدى وبسلام
سلمى يادعوه فى الحياه سلمى ياحلمى فى المنام
سلمى يأجمل مدينه سلمى ضحكه جوه عيله
سلمى بينا عايشه ورده سلمى شمس فى دنيا بارده
سلمى اجمل ذكرى بينا سلمى ذكرى فى قلبى خالده
سلمى نورى فى الطريق سلمى طوقى لو غريق
سلمى دى أجمل طاووس سلمى رحمه فى النفوس
سلمى فى الحياه مابينا عالحرير لازم تدوس
سلمى حلم بمنتهاه سلمى سرى فى الحياه
سلمى اصلا مش جميله سلمى روح وعايشه فينا
سلمى دى مش فى الحياه سلمى طوقى للنجاه
سلمى دى أجمل فراشه فى الصراحه وضوحها شاشه
سلمى نعمه سلمى حلم سلمى شايله عنى هم
سلمى بكره الجاى غالى سلمى دايما وفى خيالى
سلمى نور الشمس دايما سلمى بدر فى سما عالى
سلمى عصفوره جميله سلمى نجمه فى كل ليله
سلمى بلبل صوتو عالى سلمى اكبر حلم غالى
سلمى دايما فكره حلوه فكره شاغله كل بالى
سلمى منها الكل غار سلمى نور وفى قلبى نار
سلمى انتى حلم عمرى سلمى دعوه ناس جميله
سلمى بنسى معاكى همى كل يوم وفى كل ليله
سلمى حبك شئ أساسى سلمى رحمه لقلب قاسى
سلمى كلمه جميله بينا سلمى فى الأحزان تعينا
سلمى دى هى الحنان سلمى أجمل عود ريحان
سلمى ياجمل بلاد سلمى مكه للعباد
سلمى دنيا سلمى آخره وفى طريقى سلمى زاد
سلمى اصلا مش حقيقه سلمى بنتى مش رفيقه
سلمى كل يوم عشانها قلبى تولع فيه حريقه
سلمى ثانيه سلمى لحظه سلمى شايفه كمان ملاحظه
حبى ليكى ياسلمى عايز الرعاية والملاحظه
سلمى حاله جوه دنيا سلمى حلمى كل ثانيه
لو هتسال سلمى فين سلمى عايشه فى النعيم
سلمى منتظره فى جنه عند رب العالمين
تحياتى //
مدحت لطفى عبدالعال ( مصر )
ليست هناك تعليقات:
إرسال تعليق