كل سؤال له إجابه
حتى العتاب والملامه
وكلامي فيكي
مش شعر
واحلف بربي وربك
يمين صدق وشهاده
أنا مش شاعر
ولا أديب
ولا كاتب
ولا أى حاجه
أنا إنسان بيحبك وبس
بيحبك قوي وبزياده
ولما ياخدني الشوق
غصب عني باكتبلك
كلام من قلبي
حبره دمي
حروفي نبضي
مش كلام أغاني
متكرره ومتعاده
ولما تيجي في بالي
وانتي دايماً شغلاني
بخرج عن الشعور واتغير
وتبقى حالتي حاله
وأسمك بيجري على لساني
مرات حب ومرات عاده
زى مساء الخير
مساء النور
زى... صباح السعادة
زى كل حلوه
زيك أنتي
يا حياتي كلها
وأغلى منها وبزياده
تحياتي...
إسماعيل هريدي
ليست هناك تعليقات:
إرسال تعليق