........(لعنبوها الظروف)........
لعنبوها الظروف وقلة الحيلة
و الليالي اللي حوجتنا للناس
و الهموم اللي صارت ثقيلة
تجلب الضيق و أوجاع الراس
و المخوه اللي روابطها عليله
يهدمها الشك دايم و الوسواس
والصداقه اللي بالمواقف بخيلة
ماتراعي بك المشاعر والاحساس
اللي مداميك بناها هشه هزيله
تنهار مهماتظاهرت بقوة الساس
لان مبداهاعكس المبادئ الأصيله
ونواياها تفوح بالزيف والدلاس
والنفوس اللي دايم الدوم ذليله
مالها في المراجل قيمة ومقياس
و أهل المبادئ التافهه و الرذيله
لعنبوها الكل من ساسها للراس
أبورأفت إبراهيم الشعراني
ليست هناك تعليقات:
إرسال تعليق