فاكرين
لما كنا بنبدر الخير
وأولادنا تحصد
لما كنا نتخاصم
ونتصالح ف كل مسجد
والجار للجار
وغداه وغطاه ومسند
فاكرين
لما كانت شمسنا
طالعه عالسنابل
فاكرين عمرنا ماسمعنا
اصوات القنابل
لما كانت الفرحه ف قلوبنا
وتغنيها الحناجر
لما كنا ناجحين
واحنا علي لمبة جاز نذاكر
فاكرين لما كان تلميذنا بيقبل
ادين الأستاذ شحاته
فاكرين الكرامة والشهامة
اللي غابو في زمن الشحاته
فاكرين لما عبرنا القنال
بجندي قبطي ومسلم
وجمعتنا أصوات المنابر
ولما كنا عرب بجد هدينا سد
واليهود استعجيو
من الجنود البواسل
صدقوني ماكنش بنا أي فاصل
فاكرين
سيدحجازي
ليست هناك تعليقات:
إرسال تعليق