عارفه حبيبتي بحس بايه
لما تغيبي رغم صلابتي
ببقي ضعيف
رغم الورد المزروع بينا
لما تغيبي بحسه خريف
اصل اللي مابيني وبينك
اكدب لو سميته
احساس رباني كل مااحسك
احس ان جوايا نضيف
بيني وبينك شيء جواني
احساس رباني
عالم كل الناس عايشه
بس معاكي احساس تاني
حتي العمر
لو كان حلو
او كان مر
معاكي بحسه يمرثواني
بحبك
ايوه بحبك
وانكر ليه
ماهو شعورك زي شعوري
وابعدليه
ماانت ياحسي
ديما بتكملي دوري
وانت الصدق جوه كلامي
قانون ايامي
وانت بساطتي
لما احس مرة غروري
عالم تاني
مش معقول النص الاول
يبعد يوم عن النص التاني
مش مقبول
بعد ما الاقي عمر ي الضايع
ارجع احلم به من تاني
عارفه حبيبتي بحسك ايه
مقدرش اكدب
انا علشانك بكون المبدع
من غيرك معرفش اكتب
يعني هاجي بعد الصدق ده كله
بعد العمر ده كله
هنكر واكدب
ايوه بحبك
لكن بحبك شيءتاني
طعمك تاني
مذاق لمااحس حلاوته
اشتاق تاني
واجري عليك واحضن قلبك
هتصدقيني من غير مااحلف
لما بحسك بحس حناني
الشاعر احمد عبدالحق
ليست هناك تعليقات:
إرسال تعليق