موسيقار الاجيال عبد الوهاب
الشاعر / رضا البوشي
مهما يدور عجل الزمان
مهما يسير قطر السنين
هتعيشى مليون الف عام
شابة جميلة ف كل عين
مرسومة صورتك ع الحيطان
زي القمر والحور العين
زي الاسوده ف كل مكان
بيرم و شوقي وطة حسين
عبد الوهاب فنان مشهور
ولفنه كل الناس سامعين
كتب بفنه احلى سطور
لولادنا ولكل الجايين
عاصرت ياما كتير أجيال
النيل وابو الهول يشهدلك
وعملت ياما كتير أعمال
والدنيا تشهد على فنك
وكنت في الفن الاستاذ
والكل تلاميذ من بعدك
الفن كان عصفور حاير
خته وربيته ف حضنك
وكل يوم كنت بترعاة
ورويتة ياما من فنك
غنيت وغنى الكل معاك
ولمين هنسمع من بعدك
حتى الطيور فوق الاغصان
م الفجر تصحى على لحنك
الفن كان سيد درويش
وكان ابوة وعمة وخالة
كانت بفنه الناس بتعيش
والموت سرق منة شبابة
الفن توبة أسود وحزين
عبد الوهاب ع العود شالة
والشجرة طرحت منجه وتين
على ايد حبيبة واستاذة
ع القهوة وف سيدنا الحسين
الكل يسمع ألحانه
ذي الزمان فنك هيعيش
ولحد أخر أيامه
من بعدك انت فن ما فيش
والفن مشلاقي مكانة
يا وابور قولى رايح على فين
على وردة الحب الصافي
سهران بأعد نجوم الليل
لو كان فؤادك يصفالى
والبوسطجية اشتكو منى
من كتر شوقي وجواباتي
صابر ومش اللى انا اشكى
مهما عزابك ورانى
وف يوم مماتك
ألاف من الجماهير طالعة
تحلف بفنك وحياتك
بالدمع والأحزان راجعة
ما هو دة أصل الفنان
بيسيب وراة الف علامه
مهما يعدى زمان وزمان
فنه يعيش لآخر ساعة
عبد الوهاب ما يكفنيش
ولو كتبت مليون كتاب
من بعدك انت ازاى يعيش
الفن والنيل والشباب
ليست هناك تعليقات:
إرسال تعليق