قصيده بعنوان
(أصبحنا؟!!!)
أصبحنا وأصبح
الملك لله
كما العاده
روتين يومى
أيها الساده
بدون توضيح
وإفاده كما
العاده أصبحنا
وأصبح الملك
لله وكأن الدنيا
ولاده كل يوم
بتولد يوم
لا فيه نقصان
ولا زياده
نفس الوجع
نفس الهموم
نفس التعب
نفس الألم
نفس السحابه
نفس الغيوم
نفس الضبابه
نفس السموم
نفس إل فاكرينه
ضمير
نفس الهواء
نفس الأكسجين
نفس الزفير
نفس الآهات
نفس الرعود
وزمهرير
نفس الطريق
لا له آخر
ولا بدايه
لا له أول
ولانهايه
نفس إل بيقولهلنا
أبونا من يوم
الميلاد
نفس الحكايه
وكأنها الآن
بنفس
الميعاد
وكأنا الدنيا
حلف لنا
إنها تبيد فينا
إباده
ونفس الكلمة
بنقولها مابتتغيرش
رزقنا عليك
يارب
ونوهم نفسنا
بإراده
ونتنفس صبح
من تانى
وتشرق شمس
على وجوهنا
إل ما بتضحكش
وإزاي تضحك
مدام ما تروقش
وإل بيضرب
على راسنا
بمطرقته مابزهقش
ماهو رايق
ماهوش تعبان
ولا شايل من الهموم
شيله
كل يوم الصبح
من بدرى
بنتحرك كما
الآله فى المصنع
بتسمع تروس
تاكل فى بعضها
تقطع ومين يفهمنا
ومين يسمع
ومين يحس
بالمقهور
والظلم إل
بيوجع
ناس جعانه
مش لاقيه
وناس فى
الخير بتبرتع
ونقوم نسرح
قبل طلوع
الفجر عشان لقمه
ما بتشبع
ونقول كما
العاده أصبحنا
وأصبح الملك
لله ماهو ربى
ورب الكون
عليه إتكلنا
وبدعانا به
أعلم وبيسمع
فى لحظه
بيوقف الداير
وبيدور إل كان
واقف وبيشيل
إل كان قاعد
وبيقعد على
كرسيه إل كان
حاير سبحانه
مين قال إن حجر
الرحايه ساكن
ماهوش ساير
أصبحنا
وأصبح الملك
لله كما العاده
روتين يومى
أيها الساده
بدون توضيح
وإفاده
15/11/2021
ترنيمات وخواطر .بقلم)
خيرى حسنى................)
ليست هناك تعليقات:
إرسال تعليق