بيوتنا تحت المطر
حاضنه بعضيها
قبور توابيت
ملهاش شبابيك
ع الشارع
الحزن فارع
باكيه ليالى الصيف
على الرصيف
مرميه .عيال العوزه
ف انتظار الرغيف
المهروس بالوجع
وقله ناشفه الريق
ونهار مخاصم ليل
وايام منبتالها ضروس
تطحن المولود
وعضم الفقرا قرابين
لل... للالهه
وسط الزحام
هياكل بترمح
عيون بتصرخ
وشوش حبلى بالتجاعيد
وعنكبوت مفرود ع الحيطان
مدارى الايام
سألونى
فاضل كام سنه
وياجي العيد !!!؟؟؟؟
بصيت
ضحكت
بكيت
قلت ياريت
ياجينا ف يوم
احنا فى
انتظار
الناقد
حمدى البوقى
ليست هناك تعليقات:
إرسال تعليق