اوعديني
اوعديني لما ييجي الشوق
يقول لك :
ياللا نرجع ل اللي فات
انك ح تمشي
رافعة راسك في السما
ولا حد يقدر يكسرك
ولا ليل ح ييجي
يلاقي دمعة
فوق خدودك
و ال ااهات
ولا نجمة تيجي تصبرك
اوعديني
ان الليالي ح تبقى دافية
زي قلب ب يعشقك
و يخاف عليكي
و لو يحن يحن ليكي
و لو يناجي
ح يناجيكي
من سكات
اوعديني
انك تعيشي العمر فرحة
و يسمة حلوة
من عيونك
يملا كل الدنيا نورها
زي شمس الصبح دافية
زي قلبك
لما نبضه يزيد شوية
و يبقى طاير في السما
و النبض غنوة
الطير يردد لحنها
بعدك ساعات
اوعديني
انك ح تبقي و تفضلي
زي الجبل
لا الريح يهزك عصفها
و الغيمة طولها و عرضها
ماشية ف طريقها في السما
مالهاش ثبات
اوعديني
دا انا و الليالي و الاماني
ب نعشقك
و الذكريات
يحيى اللبيدي.
ليست هناك تعليقات:
إرسال تعليق