ب توحشيني
بتوحشيني
لما تبقى الدنيا ضلمة
و مهما انادي ما يسمعوني
ب توحشيني
لما تيجي نجمتك
ويا الليالي و يسألوني
بتوحشيني
لما ب اسرح و افتكر
لمسة ايديكي
و نبض قلبك
و الليالي
ب يحضنوني
بتوحشيني
لما تيجي النسمة
و تطير ضفايرك
يلمسوني
بتوحشيني
لما ب اصحا الصبح
ما القاش ابتسامتك
زي نور الشمس
ب تزغلل عيوني
بتوحشيني
لما يبقى نبض قلبك
جوا قلبي
و دمعتك
ما بين جفوني
بتوحشيني
لما همسة
و لمسة واحدة
من شفايفك
لو ح ييجي الموت ياخدني
يرجعوني
بتوحشيني
يا كل كوني
بتوحشيني
يحيى اللبيدي.
ليست هناك تعليقات:
إرسال تعليق