طبع البنات
------------
زمان
قابلتني بنية
في الغرام مخضرمة
كان جمال الدنيا فيها
هي لسه صغيرة
دوخت كل اللي كانوا
مغرمين بجمال عنيها
..قالت لي ...
انا ح اقولك كلمتين
خليهم حلقة في ودانك
أي بنت مننا
تبقي عارفة ..
عن حبيبها كل حاجة
وأما يقولها مشتاق
دايب شوق ومعجب
كأنها اول مرة تشوفه
هو دا طبع البنات
تبقي الواحده فينا
نفسها في كلمة واحده
نظرة واحدة
تبقي ريحة الحب فيها
والغرام بيطل من عنيها
والبنات بيبان عليها
والواد يعرف يميز
كل يوم تسجد وتدعي
الف دعوة لجل ييجي
بالمحبة والحنان
ييجي راكب حصان
ابتسمت بعيونها
...وقالت...
هو دا السر ! !
اللي في قلوب البنات
اندهشت لما قالت ..
ارمي بياضك
شوف ف جيبك اي حاجة
ياتفارقني
ولا اقولك..
قوم فارقني
كلكم من صنف واحد
وضحكت العرافة وسابتني !!!!
بقلمي
حمدى البوقي
ليست هناك تعليقات:
إرسال تعليق