لا يمكن نتقابل
................
أنا وأنت لا يمكن نتقابل
بس ياحبيبي أدينا بنعافر
الزمان بطبعه غادر مش قابل
يجمع مابين قلبين وقادر
على فراقنا وفي المقابل
نحمل أشواقنا وأوجعنا ونسافر
أختلط معاه الحابل بالنابل
بقى حالنا يصعب عالكافر
ياما أتحايلنا عليه وغلبنا
وتعبنا أنه يرق ولا لين
داب الحنين بينا ودوبنا
تشهد علينا دموع العين
لام علينا الهجر وعاتبنا
لما لقانا من الأسى تايهين
الجرح إللي في قلوبنا
المسئول عنه كان مين
بدون عنواين بعتنا مكاتبنا
لقينا روحنا فطريقين مشيين
كنا فكرينه طريق واحد
بسهم الغدر صبحنا قلبين
بعد ماكنا قلب واحد
بحرقة بكينا بدمع العين
من ظلمه وقلبه الجاحد
يا ترى فراقنا ح يودينا لفين
وأنا على الهجر مش واخد
ولا ح أستنى ياحبيبي سنين
عشان فيوم يمكن نتقابل
...
بقلم الشاعر
الأمير _محمود
ليست هناك تعليقات:
إرسال تعليق