«بقيت وحيد»
,,,,,,,,,,,, ,,,,,, ,,,,,,,,,
كدبوا عليك وقالوا هينوروا سكتك
فضلوا وراك لحد ماخلوا مكانك عتمتك
وبقيت وحيد،،،،،،،،،،
ووقت الجد مالاقيت حد وحدك
ولاحد حاول ينور سكتك
ناس ناكرة وللجميل مش فاكرة
تجرى ورا المصلحة منين ماتكون
تنصب حبالها وتاخد وقتها
وللضحية توصل وتمص دمها
وبقيت وحيد،،،،،،،،،،،،
انت وقعت خلاص فى ناس قادرة غدارة
فانفد بجلدك وانسحب بشطارة
دموع ندم مش هتفيد
مع قلوب بقفل حديد
تكسر ولا تبالى خلوك وحيد
ابدأ من تانى مع ناس
تصون ماتغدرش
وتخاف عليك ماتهجرش
سيبك من صحبة كدابة
بتطلع بس لو فيه نور
محاوطك عشان يبانوا فى الصورة
ماتبقاش وحيد،،،،،،،
وأول ماشافوا عتمتك
بعدوا بعيد عن سكتك
وفجأة باعوا محبتك
وبقيت وحيد
كلماتى: بسمة سماح
ليست هناك تعليقات:
إرسال تعليق