ياة يا عب هادي
على زمانا
كان المغنى هادف
وكنا نقف قصاد الاحتلال
بعزيمة وصمود الرجال
يترج لصوتنا جبال
وماتلاقي واحد خايف
البنت لابسة حشمة
والراجل ليه هيبة وكلمة
و أم سويلم كانت زي النسمة
ولا تنطق ولا تخالف
الأرض دي ف عز عطشها
تطرح حب وخير
من الجرح مشققة دروبها
لكن عفية وتعصى ع الغير
وبتطرد الفاسد والتالف
حتى الضحكه كانت م القلب
نمسح عرقنا ودموعنا غلب
نروي أرضنا بدمانا وبالحب
وعلى يمينك زير
وكانون ف النص
ودخان يعمي الخاين
والضحكة لو حزينة كانت تتحس
والرجولة يا ابني أصلها مواقف
ياة يا با سويلم وجعت قلبي
وقلبت علينا المواجع
الاحتلال كان ظاهر وباين
غريب وف الاخر طالع
دالوقت من جوة ومستخبي
حاسس وسامع
وبكل صغيره شايف
بوكس المحروسة بيلم الشريف
وكل واحد يقول تكليف
اسكت يا عب هادي
مالك بتقول كلام كنه سخيف
كل ولاد بلدنا قلبهم نضيف
عايز تعرف ارجع لزمانا وشوف
حال الرغيف
وهيبة شيخ الجامع
دالوقت الفقر حزام ناسف
ولقمة بغموس ما بتشبع
وإثيوبيا ما راح ترجع
والراجل الكبير شايط ومولع
ومن دموع الغلابة بيجمع
وملا فنطازين بكا على غلا
ونفسه يزرع
ف كل شبر عميل ومخالف.
على زمانا..
عبدالله رجب ابوعدنان
شاعر الغلابة
ليست هناك تعليقات:
إرسال تعليق