...... مين فيكو .....
هاتولي واحد مبيغلطش...
ف الفعل او حتي الكلام
هاتولي واحد قال معلش...
وبعدها جاي بالملام
مين ملاك فينا أو برئ ........ كلنا في نفس الطريق
بس عيبنا اللي يعيبنا .. إللي بيوقع فيه مبنرحمش
مين فيكو قولوا مين شريف ...
مين إيده طاهره مين عفيف
جايين تحاسبونا بشرف ....
وفيكو اللي م السرقه غرف
مين فيكو إللي مبيسرقش
غلطة مين يدفع تمنها ......
مين يرجعنا لزمنها
بس محسوبه علينا ......
والندم دمع ف عينينا
قالوا غلطة متتفوتش
عاوزين جنازة وتلطموا .....
وتسبوا فيها وتلعنوا
عاملين أئمه نصيحه ........
وبتبقي لمة وفضيحه
مين فيكو إللي مبيفضحش
يا ريت لسانا ف بوقنا .......
يفضل مكانه اكرملنا
دا القول مفيش أسهل منه ....
والفعل فيه أصعب منه
ليك أو عليك شئ مبيفرقش
هاتولي واحد مبيغلطش
الشاعر الغنائي / عرفات فرج الله بلبل
ليست هناك تعليقات:
إرسال تعليق