فضى عليا البيت
وبكلم نفسى والحيطان
وماسك فى ايدى فستانك
يمكن يكون فاضل
فيه شوية من عطرك
وأجيب صورك وأجمعها
وأعلقها فى كل مكان
يمكن فى يوم تكلمنى
وتسمعنى زى زمان
ما أنا والوحدة بقينا صحاب
من يوم ما للموت سبقتينى
وأنا عايش وحيد بلا أحباب
وأولادك بقوا زوار
ييجوا ويمشوا فى نفس اليوم
ولا حد يونسنى لحد النوم
الكل عايز الدنيا يسابقها
وأشوف خيالك يونسنى
وبسمع منه أحلى كلام
حتى لو كلام مافيش يسمعه انسان
سوى نفسى وأنا ماسك فى ايدى فستانك
وأقول يارب فين الصبر هاجرنى
لا أنا قادر أطول الموت ولا طيفها يفارقنى
وبندم على كل يوم عديته وهى منى زعلانة
أو لطلب يوم رديته وكان هيسعد قلبها فى الحال
وماليش غير الصبر وذكراكى وفستان
يكون فاضل فيه شوية من عطرك
كلماتى: بسمة سماح
ليست هناك تعليقات:
إرسال تعليق