متاح لك قلبى
.......................
متاح لك قلبى ومشاعري
وكل حواسي وعيوني
ونن العين فدا نظرة
تداوي جراحي وشجوني
متاح لك تدخل الذكري
وقلمك يمشي فى سطوري
اناولك أيدي تكتبلك
وحبرك حيرتى وشجونى
متاح لك كل شئ فيا
ترمح جوه أحلامي
تدور فيها عن نفسك
تضفر كل...........أيامي
فى عقد بيشترى رحتك
بتلضم كل............دقاتي
يغنى القلب يندهلك
تريح فيا اشواقى
متاح لك تعزف الغنوه
وترسم بكرة فى عيوني
جناين شوق وحنيه
ولون الضحكة فى خدودي
على شحاتة سليم
ليست هناك تعليقات:
إرسال تعليق