.....بسأل عليك يا وفى.....
بسأل عليك وينك ياوفى
قلي ﻻتسأل موتوني الناس
ياصاحبي ﻻحد هون وكفى
ماتت اﻹلفة ومابقي إحساس
ياصاحبي هيدي الحقيقة بعرفا
باينه للخليقة متل نبراس
فيما مضى كان خليل ومصطفى
وعلي وخالد مع عمر والياس
إخوة ربوا بأيام الصفا
ومافي حدى كرامتو بتنداس
كانوا عالطرقات يهنوا بالغفى
وﻻكان في وسواس أو خناس
واليوم عالطرقات عم نمشي حفا
وبكرا رح نصفي بدون لباس
في شي ميتحضر ﻹلنا بالخفى
معقول نرجع ﻻحرب جساس
كيف تاريخنا الحلو إختفى
شوفات شفنا شاب منا الراس
يادهر دمعة أسانا كفكفا
وخود اﻹسى وخود الجفا
خلي المحبة بيننا هية اﻷساس
بقلمي
الشاعر عيسى وسوف باظة
ليست هناك تعليقات:
إرسال تعليق