جعبة سعادة
..........
يا عام الجديد هِلْ
بجعبتك سعادة للكلْ
امحي آلام الماضي
بأبهى صورة علينا طلْ
كل شي بهالدني فاضي
ماحدا دايم بيضلْ
كل واحد فينا قاضي
لمَّا ضميرو يحيا ويطل
ما حدا بنصيبو راضي
بدو يتميز عالكل
كل شي بدنيتنا ماضي
عيشوها قبل ما نفلْ
خيبات العام الماضي
بتنخُر فينا وتسل
الشاطر فينا بيراضي
بيزرع بسمة، و ورد وفل
وأخضر يا مرج الأراضي
والرحمة تسكن وتضل
بالمحبة بيزول الهم
بنتصافى والخير يحل
تعو نتغلب عالغم
ننسى الحقد وننسى الغل
حاجة نحكي وحاجة نذم
بلكي الرحمة بترجع بتحل
وبتحلى عناقيد الكرم
يمكن نرجع متل قبل
ويمكن بعروقنا يحن الدم
والمحبة لقلوبنا تحتل
..............
عثمان الأقرع .. سوريا
ليست هناك تعليقات:
إرسال تعليق