ياطيف الاحباب مالك نسيتينا
عييت ننادي ما سمعتي ما رديتي
الدمع مغرقنا والنوم مجافينا
العمر فات و تسنيناك ما جيتي
كنت نور الحياة كنت ضو عينينا
علاش غبتي قول علاش جفيتي
كنت الجنة كنت النسمة الحنينة
كنت النغمة الحلوة تطرب حديتي
تاه العمر بلا بيك وغرقات السفينة
ايامي كحلة ظلام من يوم مشيتي
وقتاش يا روح الروح تروف علينا
يرجع لي السعد و الهنا ويدفا بيتي
زينب الكريضة المغرب
ليست هناك تعليقات:
إرسال تعليق