همسات
الشاعر الدكتور جهاد صباهي
غاب كتير وما إجا
وكان الوعد
يجيبا حدّه
ويرسم ع جبينا الحلا
كترت الهموم وقلَّت إيام الهنا
طبع ع خدودا الفرح
بوسة مطعَّمة بالفل
يلي انجرح
إجا الغريب وسرق منّا السنا
كترت الهموم وقلَّت إيام الهنا
شو مشيو أحباب
بطريق الضباب
وتعاهدوا لو يلتقوا
وينسوا الفراق يلي اشتكى
ويمحوا العذاب يلي انحكى
ويكون هو العبير
وهيه ورود السوسنة
كترت الهموم وقلَّت إيام الهنا
لو فيه يمسح من عيونا البكى
ويلوّن ع حيطان العمر
حروف إسما ليلكى
ويعمل من شعرا
ضفاير مدهّبة
كترت الهموم وقلَّت إيام الهنا
لو فيه يجي هالولد
قبل شهر
صرلو عمر
عم يكبر بقلبي
متل القهر
لو فيه ينام ع صدري
لحظة غفا
كترت الهموم وقلّت إيام الهنا
د جهاد صباهي
ليست هناك تعليقات:
إرسال تعليق