قلبك حجر
كان بنا حاجات
وليالي وساعات ويشهد علينا ضي القمر
عُمر سمانا ماعرفت غيوم
وليالي جميله وقعدة وسمر
قلبك حجر
خنت الوعود وخنت العهود
وعرفت عيونا دموع تنهمر
بين شك وظنون وف لحظة جنون
بروازنا انكسر
قلبك حجر
ماكنش اتفاقنا مهما اتخنقنا
مايحصل فراق ويبقى اللقاء
ولا يحصل خطر
قلبك حجر
نسيت السنين وحب وحنين
ولا يخطر ف بالي تبعد ياغالي
وتلوم عالقدر
قلبك حجر
عشت الأنا ونسيتني أنا
ف وسط الزحام وف وسط الملام
تاه حبنا ولا عاد له أثر
قلبك حجر
سيدحجازي
ليست هناك تعليقات:
إرسال تعليق