يمكن غَلَط
بقلمي أنور مغنية
يمكِن غَلَط هالوقت حاكِيك
يمكن غَلَط عَلِّق عيوني فيك
يمكن غلط
هم تضحك وبكِّيك
يمكن غلَط بعد البُعد ، بعد الوَعد
إنُّو نٍرجَع لبَعض ويبقى الورد
بإيدي عم يناديك
وعم عيش أيامي معَك
عم شِمًّك وعم أقشَعَك
بس الغلط كل الغلط
إنَّك معي ومضًيِّعَك
عم عيش وما لا قيك
يمكن غلط
عم عيش وإتأمَّل نرجَع سوى
ونعيد من الأوَّل
نسرق ضحك من هالدِنِي
ونخلُق سما كلاَّ غِنِي
ونغرق بغيمة ولدني
ونعيش وما نسأل
عقلي فِهِم إنُّو خَلَص
بس القلب طوَّل
يمكن دهر ، يمكن عُمْر
يمكن بعد موتي بشهر
يمكن ما يرضى يقتنع
ويمكن ما يتحوَّل
يمكن قهر ،
يمكن شِعر صرلو عُمر
معوَّد بدونك ما يكَمِّل
ويمكن غلط
إبقى أنا وقلبي على ماضيك
بس الغلط كل الغلط
إنك معي عم عيش وما لاقيك
أنور مغنية 07 01 2022
ليست هناك تعليقات:
إرسال تعليق