كفوف تراب (408)
................
أحلامي دابت من زمان
جوايا ماتت
مغصوبه أعيش وسط الظلام قناديلي غابت
تاهت ملامحي عاجزه
أشوف كسروا المرايا
حارميني أحس بدمعيتي
وأحكي الحكايه ..
نسجولي فى خيوط وحديتي
قالوا ثوب هنايا
مدفونه بصرخ بالحياه
بدموع قسايا
أحضانه شوك وكأنها
جمر لجفايا
حاسه إني روحي بتتسرق أوقات لقايا
واللي ظلمني فى دنيتي
مدفون معايا ..
أنفاس نسيم
فى كفوف تراب
والموت وريحته وليل
عذاب أيه باقى تاني
حكموا عليا
أحيا فى ضباب
وسط اللي راحوا
وأسمع في أصوات صمت ليل
وأسكن جراحه
أوقات بنفض هدميتي
أطرد ده خوف ..
وساعات بمشي فى ظلمتي كاره إني أشوف
خلاني تمثال من حجر ليطفي شوقه
إحساسه بيموت كل يوم
بدموع شموعه ..
والأه بقولها لقسميتي
ولا لرجوعه ..
بدايتي أخره ودنيتي
مسلوبه مني
ساكنه القبور عايشه بدور أيه فاضيلي ..
بقلم .. صبري رسلان
ليست هناك تعليقات:
إرسال تعليق