(عقلى مطفى)
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
حالة من الإنسحاب
والهدف تاه وغاب
والطريق مالوش معالم
عقلى مطفى
حالة من الجنون
غلب فيها السكون
يصرخ كتير و يقول
عقلى مطفى
حالة من كسر الخواطر
جت من اللى ليهم خاطر
وبسببهم يصرخ يقول
عقلى مطفى
حالة من وجع القلوب
لا ليها أطبة ولا دوا
للى عماهم حب فانى
لدنيا زايلة بشوية هوا
عقلى مطفى
حالة من التوهان
ليه دايماً الغلبان
يشوف الويل ألوان
عقلى مطفى
حالة من الرضا
لما نشوف غيرنا
يهون علينا حالنا
ومانوصلش يوم نقول
عقلى مطفى
كلماتى: بسمة سماح
ليست هناك تعليقات:
إرسال تعليق