......اشرقي ياشمس......
اشرقي يا شمس سنة الجديدة
معك هاتيلنا خبار السعيدة
خلينا بقدوم الخير نفرح
ادفني لهموم والخيرات زيدي
بهرينا وﻹ تخلي الخير ينضح
اللي قبلك جنطونا ع الحديدة
بقلك بالدمشقي قلم مشرح
القهر بقلوبنا نارو وئيدة
بلكي فيك منﻻقي شي مطرح
يحمينا بوقت الشدة الشديدة
بدنا عيشنا شوية مبحبح
مابدنا دموع قهر وﻻ نهيدة
وبدنا همومنا بالبحر نشلح
وعنا ترحل مسافة بعيدة
إبن الغاب عنا نعود نربح
وﻻ بدنا بشعور البعض نجرح
بدنا السﻻم ياسنة الجديدة
.....
بقلمي
الشاعر عيسى وسوف باظة
بتاريخ 1.1.2022
الساعة 6.15
ليست هناك تعليقات:
إرسال تعليق