على أد شوقي
شعر غنائي هاني الحداد
على أد شوقي كتبت غنوة
وبعتها ليكى في جواب
أيوه انتي ياام الضحكه حلوه
ياام الشفايف عناب
وقلت أقول ع اللي جرالي
لما قابلتك ياغزالي
وإزاي كده إتغير حالي
وليه قلبي انا داب
على أد شوقي رسمت قمره
طلت عليا في ليل غرام
ضحكت عيونها خديتني مني
خليتني أعيش جنه أحلام
أتاريها إنتي ياحبيبتي إنتي
يامدوبني شوق وهيام
على أد شوقي رسمت ورده
حلوه ونديه ملهاش مثال
من سحر لونها سكنت في نني
خليتني أغني ل الجمال
أتاريها إنتي ياحبيبتي إنتي
يا شاغله بالي و الخيال
ليست هناك تعليقات:
إرسال تعليق