((ياعم ياصياد))
ياعم ياصياد
طرح الشبك حرفة
ولا فى طرحه غية
عشان الشبك يصطاد
لازم ملاغية ؟
زغلل عيوني الشبك
إصطادني بلا غية
دي شطارة شبك
ولا دا عيب فية
أعملك ايه يا زمن
حارمني حنية
سرقني حنان الشبك
يمكن يدوم ليا
أمانة عليك طرحتك
ماتكون خداع ليا
قلبي إتملى أوجاع
وحبك كمان غية
أملي تكون غيتك
فيها دوا ليا
جوا الشبك مملكة
وأنت الحاكم ليا
تؤمر وتنهي فى نبضي
وحضنك سكن ليا
وتقتل بقى حرماني
وحبك يكون دية
بقلمي
نبيل عبد الحليم
٩/١/٢٠٢٢
ليست هناك تعليقات:
إرسال تعليق