سبحان من رفع السما
من غير عمد
وسبحان من ولف القلوب
ستار العيوب
واهب الأرزاق من غير سبب
اسمع ياابني
عمرالظالم ماهيحس بظلمه
غير لمايدوق
وعمرالدم ماهيكون ميه
بس انت تروق
وطول ماالنفس فيها تكبر
ديما شايفه الناس من فوق
ربك قادر وغيره مايقدر
واللي يدوق الناس بمراره
والله ياابني بكرة يدوق
واللي فاكر نفسه حاجات
واللي عايش عمره عناد
دنيته فانيه
تيجي في ثانيه
وبتروح برضو في نفس الثانيه
فاكر ادم وهبه الجنة
لكن شوف بقي طمع الدنيا
دنيا غريبه
لما تبوس ايد اللي تحبه
وهو يعضك
لما تضحي روحك علشانه
تلاقيه ضدك
ولما تحاول تبني له بيت
في لحظه يهدك
ناس بتفكر أن حنانك
هو عباطه
وناس كل ماتتوضع
تعيش في الاطه
احسن حاجه لماتعيش
تعيش نفسك
وتقول كل اللي في نفسك
عيش ببساطه
اوعاك يابني تعيش غير نفسك
عيش بكرامه
كله يروح
كله بيتغير
الا كرامتك
وخلي قلبك ديما صاحي
هو مريتك
واللي يدوسك دوس علي قلبه
اسمع مني نصيحه أخيرة
قيمتك هي عزة نفسك
حافظ علي هيبتك
ماهي اصل الهيبة
لما تكون نفسك
حاول تعرف مهما تعيش
لازم ترجع تاني لنفسك
هو امتي كان الظالم
زي المظلوم
طول مافوقك سما صافيه
هتخوفك اي غيوم
ولا اللي واقف علي بابك
زي اللي جواك محكوم
اقولك حاجه
انت تريد..وانااريد
وربك فعال لما يريد
فارضي باللي عاوزه ربنا
وسلم ياابني بالمقسوم
احمد عبدالحق
ليست هناك تعليقات:
إرسال تعليق