فوق كده واصحى يامان
الأيام بقى فيها جنان
لو ركزت تتوه فى الزحمة
ولو طنشت يقولوا يابخته
مش فارق حاجة مع سيادته
مع انك بطنش من غلبك
وبطيبة قلبك بتغمض
عن كل اللى بييجى عليك
أصل الدنيا أوراق بتطير
مش قاعدين فيها لوقت كبير
فمش مستاهلة نخسر بعض
قوم ياللا انت وهى وهو
اللى مخاصم حد يصالحه
ولو بعيد عن عينك سامحه
واللى قلبك قافل منه
ادعى ربك يجبركسرك
قوم ياللا انت وهى وهو
عيش أيامك هنا وسعادة
طول ما أولادك ولا إخواتك
صوتهم حواليك يملى حياتك
ولأبوك وأمك بردوا نصيب
قوم فرحهم لو عايشين
دا بيستنوا بقالهم كتير
كلمة حلوة وبرك بيهم
ولو غابوا عنك افتكرهم
بدعوة وصدقة تفرج عنهم
دا انت الولد الصالح ليهم
قوم ياللا انت وهى وهو
كلماتى: بسمة سماح
ليست هناك تعليقات:
إرسال تعليق