عندى كلام
سلام عليكم أحبابي
إشتقتلكم والله بزاف
عندي كلام بس تاعبني
ولغير ربي والله مااخاف
الحكاية دي حصلتلي
مع زوج اختي أبو الشواف
إللي عمره لراحة ماشاف
ولايعرف أبدأ إسراف
أختي سمية إتصلت بيا
وبتصرخ والصرخة قوية
وبتبكي وتقطع فيا
مالك ياختي بتصرخي ليه
قالت هولد قيصرية
وماعنديش ولانقدية
وأبو الشواف عامل هو
شغال شغلة بالبلدية
والقبض على قد الإيد
والعيشة دى ضنك حديد
قوليلي يااختى أعمل إيه
والدكتور بيخوف فيا
لو ما ولدت قيصرية
الجنين دا هيموت فيا
حاضر اختي ماتشيلي هم
وارمي حمولك ياأختي عليا
رحنا بسرعة علي الدكتور
هيولدها قبل اوانها
ولدت مولودها اختي سمية
شفت البدر قمر في تمامه
قامت اختي تمشي بيه
قام الدكتور قال لها إيه
لازم يدخل الحضانة
ويكمل فيها أيامه
والصفرا ماتتحكم فيه
ويضيع تعبكم فيه
آه يادكتور ياابن الإيه
والغلبان هيعمل إيه
قول بتاجروا في لحمنا ليه
شياطين والإسم ملايكة
صرخت اختي النفسه وقالت
إبني ضناية هيضيع مني
حد يشتري كليتي مني
وياخد عمري واللي فاضل لي
وابني حبيبي ماافرط فيه
بفلوس كليتي ابني يعيش لي
ونسدد ديون شايلنها
ده كتافنا ماتتحملها
يمكن ناكل عشنا الحاف
ونتغطي ولو بلحاف
دي حكايتي مع اختي سمية
إيه رأيكوا في القصة دي هي
والله لأرفع فيكوا قضية
والقاضي فيها الجبار
نتساوي كبار وصغار
حكم عدل لحكمه أختار
سلام عليكم أحبابي
هشتاقلكوا والله بزاف
.......................
Ghazala Attia
غزالة عطيه
ليست هناك تعليقات:
إرسال تعليق