قصيدة (دنيا مفهاش حنية)
يلي جبت جيشك يهد بيتي عليا
وأنت مش حاسس بأي حاجة بيا
جاي تحارب وتزودني هم وأسية
جيت تخرب بلدي وتحطم اماليا
سيب أرضي وامشي صافح إيديا
مش كفاية عشنا متهمشين بالأذية
يلا ابعد عننا ولا الهم مكتوب عليا
دا الألم كله مرسوم جو في عنيا
كمان مفيش احساس بحالتي الردية
تعبت من الدنيا اللي مفهاش الحنيه
كنت بحلم زي الأطفال بدنيا وردية
كنت بحلم أسكن في عشه متغطية
وبحلم أكون بسكن والمية بالحنفية
كفاية عليا هموم الدنيا كلها والأذية
بس هرفع همي لله وهبعتله القضية
بقلم الشاعر الأديب جمال أحمد طلبه محمد
المنصورة الدقهلية جمهورية مصر العربية
الجمعة(٢٠٢٢/٣/٤)
ليست هناك تعليقات:
إرسال تعليق