الشاعر / رضا البوشي
العيون دية
فيها حاجه مش عادية
جننتني في سحرها
وكنت انا اول ضحية
دوبتني في الغياب
قطعتني حته حتة
وقطعت كل اللي فيا
والرموش دية
كنت فيها اسهر وابات
كنت بكتب فيها شعر
بالساعات
من جمالها ومن دللاها
ياما مسحت جوة قلبي
الف اه من الاهات
والخدود دية
لما نورها ع الكون يبان
تضحك الازهار تغني
وغصب عنه
الربيع يتولد قبل الأوان
الايدين دية
فيها بحر من الحنان
دوبتني بلمسه واحدة
ودوقتني كل الجنان
والشفايف دية
قالو عنها ميت حكاية
دوختني ودوخت قلبي
في بحورها
كنت أمد ايدي
وامسك الشمس واطولها
وابتسامتك
كانت بيصحي على صوتها القمر
سيمفونية بترقص عليها ورق الشجر
كل حاجه فيكي كنت بحبها
قبل حبك كنت ميت قبلها
روح ياشوق لبيت حبيبي
وقولها
العيون دي مش عاديه
ليست هناك تعليقات:
إرسال تعليق