قصيده بعنوان
صدقني ؟!!!!
أنا عمري
ما صدقتك
كنت تقول
لي كلام وأنا
أقول لك أيوه
كلامك صح
مع إن حقيقتك
كداب.......
الشغله مش هي
ملام وخصام
وعتاب......
لاأنا قاصد
إني في شعري
أهينك ولا أسبك
العمليه إن بأصبر
نفسي وأضحك
وأتعجب
على حكمة
ربي وأقول
كان عندي
حبيبي إمبارح
فجأه في
لحظه
من غير
ما أتوقع تركني
وغاب.......
إفهم
أنا مش
قاصد أجرح
إحساسك ومشاعرك
ولا قاصد أوتر
أعصاب .....
بسأل نفسي
ألف سؤال
وسؤال
لكن عمري
مالقيت لسؤالي
جواب .......
أنا أبسط مني
مفيش أنا يمكن
أكون درويش
لكن أوعاك تفكر
إن أني كنت
في يوم أهبل
أو مجنون
لكن عيبك
إنك عمرك
ما عملت لخاطري
حساب ......
أو خفت في
يوم على مشاعري
وزعلي مين في
الدنيا ما بيغلطش
ومين معصوم
لو فكرت مره
في لحظه
هتلاقي كل
حياتنا نهايتها
سراب ....
مش دايم إلا
وجه الله
والمعروف وحسنه
معانا هانخدها
أفضل من نار
وعذاب .......
أنا يمكن
ماكنش حويط .....
لكني عطيتك
قلبي وروحي
وكل حياتي وإنت
ضربت بكل
كلامي بعرض
الحيط......
فاكر إنك لما
تهيني هاتكبر
قدام نفسك
فاكر إنك لما
تعلي صوتك
في هاترضي
غرورك لا ياحبيبي
تبقى عبيط.......
صدقني
أنا عمري
ما صدقتك
أوع تقول
على نفسك
طيب الطيبه
مش هي كلام
وخلاص دا ليها
جذوروأصول
وشروش......
بتضرب فينا
جوا أعمقنا
مش طيبه
فشوش ......
وكلام
مغلوط وميزان
مغشوش ......
صدقني
أنا عمري
ما صدقتك.....؟!
16/3/2022
ترنيمات وخواطر.بقلم
خيرى حسنى
ليست هناك تعليقات:
إرسال تعليق