يطول شرحه
مش كل انسان إنجرح
تقدر تشوف جرحه
ولا كل إنسان إنجرح
هيموت بجرحه
ولا كل انسان عاش فرح
هيدوم كثير فرحه
مسيرين ومخيرين
ومش عارفين القدر
شكله وملامحه
مساكين العاشقين
بيزرعو أشجار الفرح
ولا يشوفوش طرحه
بيحيا الامل في اليل
ونعيش ف حلم جميل
ويجينا النهار دوار
وبنتحرم صبحه
ونحبس دموع ف عنينا
ونطوي الجراح بأدينا
ونستني دموع بكره
يجينا بألام ذكري
وموال يطول شرحه
يادنيا ايه قصتك
احترنا في مقصدك
هوا الفراق سكتك
ولازم ندوق جرحه
ولا احنا فيكي شجر
شال الرياح طرحه
سيد حجازي
ليست هناك تعليقات:
إرسال تعليق